khayal...

hum zubaan meray thay en kay dil magar achay na thay

manzilain achi theen meray humsafar achay na thay



jo khabar pohchin yahaan tak asal soorat mai na thee

thee khabar achi magar ehl-e-khabar achay na thay



bastiyoon ki zindagi mai bay zari ka zulm thaa

log achay thay wahaan kay ehl-e-zar achay na thay



hum ko khoobaan mai nazar ayeen theen kitni khoobiyaan

jis qadar achay lagay thay us qadar achay na thay



es liye ayee nahee ghar mai mohabbat ki hawa

es mohabbat ki hawa kay muntazir achay na thay



ik khayaal-e-khaam hi murshid thaa enka aye muneer

yani apnay shahar mai ehl-e-nazar achay na thay...