aankhen...

Beeghi Huyi Aankhon Ka Ye Manzar Na Miley Ga
Ghar Chorr Ke Maat Jaao Kahin Ghar Na Miley Ga

Phir Yaad Bohat Aaye Gi Zulfoon Ki Ghani Shaam
Jab Dhoop Main Saaya Koi Sar Pey Na Miley Ga

Ansoo Ko Kabhi Oss Ka Qatra Na Samajhna
Aisa Tumhein Chaahat Ka Samandar Na Miley Ga

Iss Khwab Ke Maahol Main Bhi Khwab Hain Aankhein
Jab Neend Bohat Aaye Gi Bistar Na Miley Ga

Ye Soch Lo Abb Akhari Saaya Hai Muhabbat
Iss Daar Say Uttho Gey To Koi Dar Na Miley Ga …